Siaha District-a Lobo khua ah hmalakna tur hawng

Siaha RD Block huaihawtin ‘Project Rotling-Hmasawnna Rahbi Thar’ hnuaia ‘Sustainable & Holistic Development of Agri & Allied Project’ chu nimin khan Siaha District-a Lobo khuaah hawnna neih a ni.

‘Project Rotling-Hmasawnna Rahbi Thar’ chu Mizoram chhunga RD Block 28 te inelna a ni a, Short Term Project, Medium Term Project leh Long Term Project-te awmin, Mizoram chhunga RD Block 28 atangin Concept Paper 84 a lut a, chungte chu District tina a Bialtu Project Director ten an endik hnuah State Level Expert Panel in project 27 an thlangchhuak a, chuta tang chuan RD Minister kaihhruai State Level Monitoring Committee in project 15-ah an lo thlifim leh a, chung zingah Short term project hnuaiah Common Facility Center (CFC) at Kawlchaw East Village leh Long term project hnuaiah Sustainable and Holistic Development of Agriculture & Allied at Lobo (Lungbun) Village te chu thlanchhuah zingah an tel a ni. Sustainable and Holistic development of Agri & Allied at Lobo Project in a tum ber chu chhungtinte tan eizawnna ngelnghet siam sak a, intodelh tir tum a ni.