MSPMC ten High Field-a hnathawh mek an enfiah

Mizoram State Project Monitoring Committee chuan nimin khan ‘Construction of Multipurpose Ground at High Field, Mc Donald Hill, Aizawl’ chu tlawhin hnathawk kal mek te an enfiah.

Construction of Multipurpose Ground at High Field, Mc Donald Hill, Aizawl hi Aizawl Smart City Ltd. hnuaiah Lushai Engineers, Ramhlun South, Aizawl ami te thawh mek niin he hna hi February 4, 2023-ah thawh tan niin thla sawmpariat (18) chhunga zawh tura tih a ni a. Hnathawh mek a nih laia harsatna hrang hrang avangin hna thawh zawh hun tur hi a tira bituk aiin a tlai hret dawn a, December, 2024-ah chuan zawh tum niin a tira sanction zat chu cheng nuai 1627.71 a ni.

He hna thawh mekah hian hna 50% chuang hret thawh tawh a ni a. Hna hi chak lehzual a thawk turin a enkawltu Aizawl Smart City Ltd. hotute leh Contractor te hi an inruahman fel thawkhat tawh a ni. Hnathawh tawh chin hi a tha thawkhat in MSPMC chuan a hre bawk. Mizoram State Project Monitoring Committee Inspection Team hi Er. Lalthanzuala Ralte, Secretary in a kaihruai a, Member thenkhat te tel bawkin Aizawl Smart City Ltd. atangin CC. Lalchuangkima, CEO leh a thawhpuite tel bawkin Lushai Engineers atangin Er. Lalbiaksanga; Arch. Lalhmachhuana leh Engineer dang te an tel bawk a ni.