Raltlante Biometric identification ti dawn lo

Sawrkar lapuiin Myanmar leh Bangladesh raltlante Biometric Identification ti tura a tih chu kalpui a ni dawn lo tih a sawi.

Nimin-a Assembly thutkhawm ah Hachhek bialtu MLA Robert Romawia Royte zawhna chhangin Chief Minister Lalduhoma chuan Home Ministry in nikum April thla vel khan Myanmar leh Bangladesh atanga raltlante Biometric Identification lak tura a tih chu khatilaia sawrkar khan Home Ministry thu zawmin a kalpui nghal thu a sawi a, engemaw chen an kal hnuah Official lamin inthlan a hnai a, buapui a harsat dawn bakah thil fello te a awm thei dawna an hlauhthawn avangin Home Department atangin Cabinet-a ngaihtuah tura rawtna an thlen angin nikum September ni 27-a Council of Minister thukhawm khan Mizoram inthlanpui a hmachhawn mai tura a nih avangin Mizoram sawrkar tan he thil hi hmalak mai ngaihna awm rih lo tiin thutlukna a siam ta tih a sawi. Chief Minister chuan ram thenawm pahnih atanga raltlana lo lut te Biometric Identification chu chhunzawm an tum loh thu a sawi a, Union Home Minister hnenah pawh Illegal Migrant ho enkawlna portal hmantir tumna nia sawiin, hei hi raltlan ten thawnlet an ni dawn emaw an tih thu leh an hlauhthawn thu a hrilh tih a sawi a, hemi avang hian thawnlet an ni dawn lo tih assurance pe tura a ngen angin, haw thei dinhmuna an din hma chuan thawn let an nih loh tur th a tiam niin a sawi bawk.