MIGLAHSSA ten School hawng leh tan dawn

Mizoram Govt. Lumpsum Aided Higher Secondary School Association (MIGLAHSSA) te chuan Chief Minister ngenna angin Vawiin, September 7, 2023 atang hian MIGLAHSSA a tel zirna In hrang hrangte chu an hawng tan leh dawn ta.

Mizoram Govt. Lumpsum Aided Higher Secondary School Association hian August ni 29, 2023 atang khan Adhoc Grant-in-Aid-a hlankai ngiatin School an khar tan a, ni 7 chhung zet School an khar hnuah Govt. Lumpsum Aided Higher Secondary School 9-a Managing Board Chairman-te hian niminpiah khan Chief Minister Zoramthanga chu a Pisa-ah hmuin, an thilphut chungchang hi an sawipui a. An School chu khawtlangin an hahpui rei tawh thu leh sawrkarin a intiam anga Adhoc Grant-in-Aid-a hlankai an mamawh thu te an thlen a ni. He hunah hian Chief Minister chuan, dinhmun sang zawka School hlankai chungchang chu tun dinhmunah thu chiang engmah a la awm loh thu leh Cabinet-in a la ngaihtuah tur a nih thu Managing Board Chairman-te chu hrilhin, an School khar mek chu hawng turin a ngen a. Chief Minister ngenna angin Managing Board Chairman leh MIGLAHSSA hruaitute chuan Cabinet thutlukna ngaichang chungin Vawiin atangin Higher Secondary School 9-te chu hawn leh phawt nise an ti a ni.

Comments

Popular News (Last 30 Days)

LPG man bithliah thar