Sports Minister hovin National Sports Day hmang

/

National Sports Day 2023 chu nimin khan Sports Minister Robert Romawia Royte hovin SAI Training Centre, Mission Vengthlang, Aizawl-ah hman a ni.

He hunah hian Sports Minister chuan infiammi te chu National Sports Day chibai bukin Covid hripui vangin India ramchhung State dang zawng zawng aiin Mizoram chu kan inkharkhip rei bik a, chuti chung chuan tunhnaia Mizo infiammiten International Medals 166 leh National Medals 388, Regional Medals 296, a vaiin Medals 850 lai an hlawhchhuah thu a sawi a. Kumin-a Asian Games lo awm turah Mizo thalai infiammi pathum - Lalremsiami (Hockey), Lalchungnunga (Football) leh Lalengmawia Ralte (Football) te a tel tura tihchian tawh niin, mi pathum dang - Vanlalthlamuanpuia (Taekwondo), Hmangaihsangpuia, (Karate) leh Lalhumhimi (Judo) te buaipui mek an nih thu a sawi bawk.

Sports Minister hian International Boxer player pahnih - Zorammuana leh Rudy Lalhmingmuani te hnenah Major Dhyan Chand Best Athletes Award a hlan nghal a ni.

India Hockey khelthiam Major Dhyan Chand hriatrengna'n a pianni, August ni 29 chu kum 2012 atang khan National Sports Day atan hian hman thin a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »