AAP in mipuite tana sawrkar din an tum tih an sawi

Aam Aadmi Party (AAP) Mizoram hruaitute chuan nimin khan Serchhip Press Club-ah thuthar thehdarhtute kawmin mipuite tana sawrkar din chu an thupui ber a nih thu an sawi.
AAP hruaitute hian nimin khan an President Andrew Lalremkima hova thuthar thehdarhtute kawmin India ram-a National Party naupang ber leh thang duang ber chu AAP a nih thu leh AAP lo pian chhan ber chu corruption dona vang a nih thu an sawi a. Punjab leh Delhi-ah tunhmaa kan hriat ngai loh politics-ah danglamna nasa tak thlenin mipui ban phak sawrkarna siam a nih thu an sawi a, Mizoram mipuite kan inlungrual chuan hetiang ang sawkar hi kan neih theih thu an sawi. Mizoram-a AAP hmalak tum dan sawiin, eirukna zaa za-a do an tum thu leh AAP sawrkar hnuaiah 1% pawh eiru an awm chuan hrem an nih tur thu te, Zirna siamthat chu an tum hmasak berte zinga mi a nih dawn thu te, Sawrkar Damdawi In leh inenkawlna hmun hrang hrangah a thlawn veka mipuite inenkawl theihna tur siam a nih dawn thu leh Kut hnathawktute tana Market buatsaih an ngaih pawimawh thu sawiin, Mizoram-ah an sawrkar a nih chuan Delhi leh Punjab-ah thlai thar thawnchhuah dan ngaihtuah a nih tur thu te an sawi bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar