Tank Lorry kang vanga thi mi 5 tling tawh

Inrinni kalta zantir-a Tuirial Airfield Veng-a tuialhthei phurtu (Tank Lorry) kang a thi zat chu 5 an tling tawh a, hliam tuar damdawi In a enkawl mek zingah dinhmun ngaihtuahawm zual mi 2 an la awm.

Tuirial Branch YMA hruaitute sawi danin, Tank Lorry kang a hliam tuar zing a tel Moses Lalrintluanga (37) H/o Zatlingpuii, Tuirial chu nimin zing dar 4:30 khan ZMC-ah boralin nimin khan vuiliam a ni a, he vanduaina thlen zan khan mi 4 chu thi nghalin mi 14 velin hliam an tuar a, hliam tuar zingah mi 2, Tuirial leh Tuirial Airfield Veng-a mi pakhat ve ve te chu ICU-ah enkawl mek an la ni bawk.