MYC HCL Technologies in thawhdunna an ziak

Mizoram Youth Commission (MYC) leh HCL Technologies chuan nimin khan thawhdunna thuthlung, Memorandun of Understanding (MoU) ziakin, he thuthlung ah hian Mizo thalaite hamthatna tur kawng tha tak a awm dawn a ni.

Mizoram Youth Commission Office, Aizawl-a he thuthlung an ziah ah hian MYC aiawhin MYC Chairman, Dr. Vanlaltanpuia MLA leh MYC Officer H. Lalnunzual, Under Secreatry MYC ten hming an sign a. HCL Technologies aiawhin HCL Technlogies Vice President Mr. Subbaraman B leh General Manager Mr. Sundar Raman S ten hming an sign bawk a ni.

He inremna thuthlung ah hian Mizo thalaite hamthatna tur kawng tha tak a awm dawn tih sawrkar thuchhuah chuan tarlangin, Mizo thalai Class 12 Science pass, Mathematics subject-a 60% hmu chin tan HCL Technologies Company hian TechBee programe hnuaiah exam an buatsaih sak anga, he exam a tlingte hi HCL Technologies hian an chhawr chhunzawm nghal dawn a ni. An luh atanga kum khatna ah hian training hi Online leh Offline thla ruk (6 Months) ve ve pek phawt an ni anga. Hemi hun chhunga an senso hi a tling hmasa mi 50 te hnenah Mizoram Youth Commission ( MYC ) chuan Rs. 50,000/- theuhin a sponsored dawn a ni.

He hna a lut te hi HCL Technologies a hnthawktu nghet an ni nghal dawn a. An thawh chhung hian HCL in a approved zirna In (Institutions) ah Graduation Course an zir thei anga, an graduate hnuah chuan HCL Technologies Company hian hlawh sang zawk pein a chhawr chhunzawm zel dawn a ni. Hlawh nei chung hian BCA, BBA, B.Com, B,Sc, M.Tech te a zir chhunzawm theih dawn a, hlawh nei chung leh hna nghet nei sa chunga Bachelor degree neih theihna tur leh beih hnu pawh a hlawh sang zawk a thawh chhunzawm zel theihna tur a ni ber a ni.