Iconic Week hman a ni

India ram Zalenna kum 75 tlin lawmna, Azadi Ka Amrit Mahotsav kal zelah nimin khan India rama khawpui 75-ah ‘Iconic Week’ hman a ni a, Mizoram-ah pawh Chanmari YMA Hall-ah he hun hi hman niin Mizoram Lok Sabha MP C. Lalrosanga chuan a hmanpui a, MLA thenkhat bakah Bank hotute leh Bank dawrtute an tel bawk a ni. He hunah hian sawrkar hmalakna te thlirho niin Prime Minister Narendra Modi-a’n Pawisa thir tlang (Coins) - Re.1, Rs. 5/-, Rs.10/- leh Rs. 20/- thar te tlangzarhin, mahni-a loan dil theihna, ‘Jan Samarth Portal’ a tlangzarh bawk. He hunah hian loan chi hrang hrang lâk theih te leh Social Security Scheme hrang hrang te pawh sawifiahna neih a ni bawk.