MZP in hnamdang dan lova awm te dapchhuak

Inrinni khan Mizo Zirlai Pawl (MZP) bultumin Mizoram hmun hrang hrangah Dan lova Mizoram-a hnamdang rawnlut te dapchhuah hna thawh niin Mizoram pumah ILP neilo leh dan lova sumdawng engemaw zat hmuchhuakin thuneitute hnenah hlan an ni.
MZP thuchhuah in a tarlan danin MZP bultuma Inrinni-a Mizoram hmun hrang hranga hnamdang Dan lova Mizoram-a rawn lutte dapchhuah hna thawhna ah hian Mizoram pumah ILP neilo mi 150 chuang leh Dan lova sumdawng mi 20 chuang hmuhchhuah niin thuneitute kutah hlan nghal an ni a. Sorkar leh thuneitute pawhin theihtawp chhuaha hma an lak mek laia vawikhat hnatlanna a hnamdang permit nei lova khawsa leh Dan lova sumdawng \hahnem tak manchhuah tur an awm leh Hnamdang kumtling lova hnathawk, kan ramchhungah an tam ta lutuk chu pawi an ti hle tih an tarlang a. Heng hnamdang dan lova khawsa te hi permit neilo bakah anmahni leh anmahni lo in sponsor te leh hnamdang vekin an lo sponsor te an ni hlawm nia sawiin, MZP in hnamdang Inner Line Permit(ILP) nei lo a dapchhuah kawngah dan lova Mizoram-a awm Mizo vekin an thlavang an lo hauh \hin chu pawi an tih thu an tarlang a, hnamdang Inner Line Permit (ILP) nei lo te chu an thlavang lo hauh tawh lo turin Mizo mipuite an ngen nghal bawk.
MZP chuan Mizoram chhunga Dan lova hnamdang awm Inner Line Permit nei lo te, hnamdang sumdawngte leh Mizo hming hawh a sumdawngte dapchhuakin a \ul angin hma a la chhunzawm zel dawn tih pawh tarlangin, hnamdang dan lova sumdawngte dapchhuah kawngah hian Mizo mipuite thlawpna a ngen a. Dan lo a hnamdang sumdawngte hi an sumdawnna tihtawp anih theih nan hmalak zel an tum thu leh hnamdang dan lova sumdawngte chungchanga hmalakna ti\huanawp zawng leh hnamdang thlavang lo hauh lo Mizo mipuite an ngen nghal bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.