MNF in Chief Minister bang turin an phut

MNF Party chuan Chief Minister, Lal Thanhawla chu chhechham meuha Mizo mipui leh Election Commission of India bumtu ah puhin, MLA a\anga a ban an phut thu an sawi.
MNF General Hqrs. a General Secretary, MC. Lalrinthanga leh a thawhpui te chuan nimin khan Aizawl Press Club-ah thuthar thehdarhtute kawmin kum 2013 MLA inthlan dawn khan Chhechham (Affidavit) meuhin Dan-in a phut angin Chief Minister, Lal Thanhawla hian ama mimal, a nupui leh a rinchhan (dependents)-te thil neih zawng zawng chu a tarlang tur a ni tih sawiin, a zepruk emaw, thu diklo emaw a sawi chuan Dan angin hrem theih a ni tih an sawi a. Kum 2013 MLA inthlan dawn, Nov. 8, 2013-a a hming ziah hnan Chhechhamna (Affidavit) paper-ah chuan Kolkatta khawpuia a In hmun, Cheng nuaih zahnih chuang zet hu a zepru tih chu tunhnaite khan hmuhchhuah a ni tih sawiin, chu a In hmunah chuan Building lianpui leh chhawng sang em em a sa mek bawk tih an sawi a. A thil neih zepru-a dawt a sawi avanga MLA-ah tlingah leh Sorkarna siam ta ah Chief Minister leh Congress Party chu an ngai tih sawiin, a dawt sawi hriatchhuah a nih takah chuan MLA a\angin a bang ngei turah an ngaih thu leh a phut pawh an phut thu an sawi a. Mizo mipui leh Election Commission of India dawt a hrilh avangin ngaihdam a dil ngei turah an ngai tih an sawi bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.