Measles & Rubella (Sentut leh Thaksip) Vaccine pek beihpui thlak dan tur sawihona neih a ni

Serchhip District Immunization Task Force Committee chu nimin khan an Chairman, Serchhip District Bawrhsap, Sangchhin Chinzah hova \hukhawmin kumthar January thla laihawl a\anga Measles & Rubella (Sentut leh Thaksip) Vaccine pek beihpui thlak dan tur an rel.

Serchhip District Immunization Task Force Committee \hutkhawm Bawrhsap Pisa-a neih ah hian Bawrhsap chuan kan tu leh fate an lo hrisel a, \hangthar hrisel zawk leh nuam zawk kan din theih nan sorkar in Vaccine \ha tak tak a siamin a pe \hin a. Sentut Vaccine pawh hun rei tak a\anga kalpui \hin tawh a nih thu a sawi a. Amaherawh chu, tun \uma Vaccine pek tur erawh hi chu a chi thar leh \ha zawk, Sentut chauh nilo, Thaksip chi dang hrim hrim laka invenna tur a nih avangin a pawimawh zual a. Kan District chhunga nausen thla 9 a\anga \halai kum 15 inkar zawng zawngin kokim taka an lak ngei tur a ni, a ti a. Hri danna la tur ten kim taka an lak theih nan District chhunga cheng zawng zawngte thawhpuiah a sawm nghal bawk.

He Vaccine pek beihpuithlakna hi January ni 18, 2018 a\anga \anin ni 30 chhungin District chhungin nausen thla 9 a\anga kum 15 inkar zawng zawngte pek vek tur a ni a. A tir Hapta hnih (2) chhung chu zirna In zawng zawngah pek tur niin, a dawt Hapta hnih (2) chhung chu vantlang huapin khawtlang-ah kalpui a ni ang a. A tawp Hapta khatah chuan a thual nawnna neih tur a ni ang. He Vaccine pekna tur atana thawktute inbuatsaihna pawh nimin a\anga kalpui \an nghal niin, Training leh Workshop te, Sensitization Programme te pawh a rang lama buatsaih chhoh nghal a ni dawn a ni.

India ram chu Zeng natna awm tawhlohna ramah WHO in a puan hnuin sorkar laipui chuan Sentut leh a kaihhnawih Thaksip pawh kum 2020 hmaa umbo tumin \an a la chho leh mek a. Sentut natna hi naupangte tana thihna thlen theitu natna hlauhawm, kum 2015 chhunga khawvel puma naupang 1,34,000 te nunna suattu, India ram bikah pawh naupang 47,000 zet te thihna thlentu natna a nih avangin he natna laka kan him theih nana \hahnem ngai taka vaccine kan lak chu a \ul thu he hunah hian tarlan a ni bawk.

Nimin-a Meeting-ah hian Serchhip District chhunga Health Deparment Office hrang hranga Officer te, Education Department leh Social Welfare Department lam hotute leh member dang te an tel \ha hle a ni.