Kum 2012-2017 chhungin HIV pai hmuhchhuah 7113

Kum 2012-2017 chhungin Mizoram-ah HIV hrik pai 7,113 hmuhchhuah an ni a, HIV inkaichhawnna tam ber chu mipat hmeichhiatna hman a\angin a ni.
Mizoram Legislative Assembly Thlasik \hutkhawm neih zawh takah MNF Member 2- Dr. K. Beichhua leh Lalruatkima te zawhna in\awm a chhanna ah he thu hi Health Minister, Lal Thanzara chuan sawiin kum 2012-2017 chhungin Mizoram-ah mi 3,24,542 te thisen enfiah niin heng a\ang hian HIV hrik pai 7,113 hmuhchhuah a ni a, HIV+ hi kum 25-34 inkarah hmuhchhuah a tam ber thu pawh sawiin, kum 2005 a\anga March 2017 thleng khan naupai HIV+ 1241 hmuhchhuah a nih thu a sawi bawk.
October 1990 a\anga March 2017 inkarah HIV+ hmuhchhuah tawh dan chu : Aizawl District-ah 10,570; Champhai District-ah 1489; Kolasib District-ah 859, Lawngtlai District-ah 198, Lunglei District-ah 799, Mamit District-ah 266, Siaha District-ah 202 leh Serchhip District-ah 249 a nih thu a sawi a ni. Health Minister chuan HIV inkaichhawnna tam ber chu Mipat Hmeichhiatna hman a\angin a nih thu pawh a sawi a, a dawttu chu Inchiuna Hriau thianghlimlo inhman\awm a nih thu pawh sawiin, Nu a\anga a naute pai-a inkaichhawn leh an kai chhan hriatloh tlem an awm bawk a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.