Discover North East-Mizoram, 2017 hman \an a ni

Ni 4 chhunga Serchhip District-a Discover North East-Mizoram, 2017 hman tur chu nimin khan Govt. Serchhip College Basketball Court-ah neih \an a ni a, he hun hi Serchhip District Superintendent of Police, Lalringdika chuan khuallian nia hmanpuiin Hnam Lam chi hrang hrang entir a ni.
Nimin a Discover North East-Mizoram, 2017 hi K. Lalrinchhana, New Serchhip chuan kaihruaiin he hun khuallian Serchhip District SP, Lalringdika chuan hetianga India rama hnam hrang hrangte inpumkhatna tihnghehna tur hun buatsaih a ni chu lawmawm a tih thu sawiin, he hun hmang tura Mizoram pawn a\anga rawn kal te chu Mizoram chu ram mawi leh nuam tak a nih thu leh inlungrual tak kan nihna hmuh hmaih lo turin a chah a. Khawvel changkang leh hma sawn zelah kan hnam zia leh nunphung te kan vawnnun zel a pawimawh thu sawiin, hmarchhak State mi te hi hnam chi hrang hrang leh ziarang hrang \heuh ni mah ila kal hnam ziarang kan inzahsak tawn a, lungrual taka awmho a \ul takzet a ni, a ti a, hetiang atana Art & Culture Department leh NEZCC \angkawpin hetiang ang programe pawimawh tak an buatsaih \hin chu lawmawm a tih thu sawiin, he hun hmangtute chu hlawk taka he hun hmang \heuh turin duhsakna a hlan bawk a ni.
Mizoram sorkar-a Art & Culture Department leh North East Zone Cultural Centre (NEZCC) Dimapur ta \angkawp in an buatsaih Discover North East-Mizoram, 2017 hi Serchhip District chhunga hmun pali (4) ah hman tura ruahman a ni a, Vawiin ah Kei\um Playground-ah hun hman leh tur a ni dawn a. He hun hmang tur hian India hmarchhak State 2- Sikkim leh Tripura bakah Zonal Centre dang 3- South Zone a\angin Telengana, North Zone a\angin Uttarakhand leh South Zone a\angin Odisha a\angte in Hnam lam chi hrang hrang entir a nih bakah tualchhung a\angin Cultural Troupe pali (4) zelin Hnam lam leh Zai te an entir \hin dawn bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man