Dinthar Veng-ah In rawk a ni

Pathianni zan inkhawm hlan khan Serchhip Dinthar Veng-a Upa T. Lalrawngbawla In-ah misual lutru in pawisafai Rs. 60,000/- vel rukchhuah a ni a, he In rawktu nia hriat hi Police te chuan an umzui mek.
Thudawn danin Pathianni zan inkhawm hlan khan Serchhip Dinthar Veng-a Upa T. Lalrawngbawla In ah misual lutin an Steel Almirah pahnih (2)-a pawisa dah chu a ruchhuak a, a hnuhma a\anga a lan danin misual hi Varanda lama Ventilation a\anga lutin Mut pindan-a Steel Almirah pahnih-a Safe chu karchhiain a chhunga pawisa hi a dah a, pawisa bak hi bo a awm hriat a ni lo a, Safe chhunga lehkha pawi-mawh dah\hat te pawh chhuat ah hian darh nuaia hmuh a ni a, Mut pindan lam tukverh a\angin an \henawm te In chungah he In-a lut hi a chhuak leh niin a lang.
He thil thlen tlai hian In neitute hi an inkhawm vek avangin In-ah tumah an awm lo a, zan dar 7:30 vela Inkhawm ban-ah a sulhnu hi hmuin In rawk a nih thu hi hriat a ni a, Serchhip Police te chu hriattir nghalin a hmunah Police te hi an thleng nghal a, thil awmdan enfiahin chhui zui nghal a ni a, pawikhawihtu kutzia te pawh an hmuh theih ang ang lain enfiah turin an la nghal a ni. He pawikhawihtu hi zawn hna thawh nghal niin rinhlelh mi pakhat neih nghal a ni a, Police te chuan an umzui mek a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.