Serchhip-ah rualbanlote enkawl dan zirhona neiin mi pathum hnenah Wheelchair hlan a ni

Rualbanlo te enkawl chungchanga inzirtirna hun ‘One Day Sensitization Programme on Disability Rehabilitation’ chu nimin khan National Institute for Locomotors Disabilities (NILD), North East Regional Centre (NERC) leh Social Welfare Department te \angkawp buatsaihin Serchhip-ah neih a ni.

Child Development Project Officer, Serchhip ICDS Project Office-a Rualbanlote enkawl chungchang inzirtirna hun ‘One Day Sensitization Programme on Disability Rehabilitation’ hi District Bawrhsap, Dr. Lalrozama, IAS chuan Khuallian nia hmanpuiin thil engpawh ti ila ropui tak leh boruak lian tak siam hluai ai chuan tih takzeta tih a, kan tum tihlawhtling tura theihtawp chhuah chu a pawi-mawh zawk thu a sawi a. “Kan zirlaite chu harsa tak angin lang mahse rilru inhawng taka kan zir chuan harsa lo te a lo ni fo \hin,” tiin he huna kalkhawmte chu \hahnemngai taka mithiamte zirtirna ngaithla tur leh hriatthiam loh laite pawh taima taka zawt zel turin a chah bawk.
National Institute for Locomotors Dis-abilities (NILD), North East Regional Centre (NERC) leh Social Welfare Department te buatsaih he hunah hian District Bawrhsap chuan National Institute for Locomotors Disabilities (NILD), North East Regional Centre ten rualbanlo te hnena hlan tura an rawn ken Wheel-Chair 3 chu a dawng tura thlante hnenah hlan nghal a ni.
He hun hi Vanlalhruaii, Child Development Project Officer, Serchhip ICDS Project in a kai-hruai a, Ms. Sarju Moirangthem, Lecturer-cum-Programme Officer (OT) NILD-NERC te, Lalmuanpuii Chawngthu, Co-ordinator, IEDSS, RMSA Serchhip leh Laldinpuii, Clinical Assis-tant (MR), NILD-NERC ten thupui thlan bik hmangin kalkhawmte hi zirtirna an pe a, sawihona hun hman a ni bawk. He zirhona hunah hian Ser-chhip ICDS Project hnuaia Anganwadi Worker mi 50 te an tel a ni.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni