Lenkawl

Nimin March 8, 2024 khan khawvel pumah ‘International Women's Day’ hman a ni a, Serchhip-ah pawh Serchhip P&E Veng YMA Hall-ah leh Serchhip District Jail-ah he ni pual hian hun hman a ni.

Tourism Minister Lalrinpuiii chuan Thenzawl-a Golf Course chu enkawl hna a hautak avangin a enkawl theitu enkawl tir mai tha zawka an hriat avangin Chief Minister nen pawh Outsource dan tur an sawidun tawh thu leh hemi chungchang hi Council of Minster ngaihtuah tura chhawpchhuah tum a nih thu nimin-a Assembly Inkhawm ah a sawi a, Tourism Minster chuan Swadesh Darshan-I hnuaia Thenzawl Golf Course, Wellness Spa Centre leh Thenzawl Auditorium te chu Mizoram Tourism Development Authority leh Tourism Department enkawl a nih thu a sawi bawk.

Serchhip Vengchung Pastor Bial KTP ten kumin a an rel bawhzuiin Serchhip Dinthar Branch KTP te chuan nimin khan Serchhip Blood Bank a dah turin thisen Unit 12 an pe a, thisen petute hi mipa 9 leh hmeichhia pathum an ni.

Chief Minister Lalduhoma’n Vantawngkhawhthla thlirna leh a tui khawhthla inkarah Ropeway siam turin hmalak mek a ni tih a sawi.