Lenkawl

Vawiin August 14, 2023 hian LENKAWL Chanchinbu chuan kum 42 tlingin a kum 43-na a hmang tan dawn ta a, Pathian kaih-hruaina zarah harsatna hrang hrang thleng thei kara kum 42 zet tluang taka tihchhuah a ni thei ta hi lawmawm kan ti a. Tlawmngai taka chanchinbu min laksaktu leh min hlut saktu te, thuchhuah tur min pe thintu mimal, pawl leh Kohhran te bakah sawrkar chung-ah a tharin lawmthu kan sawi a. Hun lo kal zel turah he Chanchinbu hi Serchhip khawtlang tan a ni tih hriaa neitu chan chang zel turin kan sawm che u a, Serchhip khawtlang tana tangkai a nih zel theihna tura hmang tangkai zel turin ka sawm bawk che u a ni.

Tunhnaia ruahsur nasa in-a kentel tuihawk in Serchhip leh Keitum inkara NH. 54 laihna leivung te Serchhip Mat Phai-ah nasa taka a lenluh leh avangin Serchhip Mat Phai-a leilet neitute chuan harsatna an tawk zui zel a, heng an harsatna te hi Zirtawpn…

Roman Catholic Kohhran chuan nimin Pa-thianni kha India rampum ah ‘Prison Sunday’ atan hmangin Serchhip Parish-ah chuan he ni pual hian chhungkaw tinah Thawhlawm Ip sema thilpek an lakkhawm bakah nimin-a Inkhawm-ah he ni pual hian thilpek an lakhawm bawk a, heng an thilpek lakkhawm te hi Jail tang te tanpuina atan hman a ni ang. Serchhip Catholic Kohhran-a Prison Ministry chuan he ni pual hian naktuk, August 15, 2023 hian Serchhip District Jail-ah rawng-bawlna hun an hmang dawn a, Rev. Fr. Praveen Fernandes hovin hun hman a ni ang.

India Independence Day lo thleng tur puala chenna In tina India Hnam Puanzar zar tura beihpui thlakna, Har Ghar Tiranga chu nimin khan rampum ah hawn a ni.