Serchhip District-ah ASF vanga Vawk thi la awm belh
AH&Vety Department chhinchhiahna atanga a lan danin kumin chhungin Zirtawpni thleng khan Serchhip District-a Veng leh khua 21-ah ASF vanga Vawk thi leh suat chhinchhiah a awm tawh a, chhungkaw 687 ten hri leng hi tuar tawhin Vawk thi 1853 leh hri leng dar zel tur venna atana Vawk suat 1072 a awm tawh a, kumin hian ASF vanga Vawk thi leh suat hi Serchhip District-ah 2925 a tling tawh a ni.
Khaw hrang hrang zingah Thenzawl chu kumin-a ASF hri leng tuar nasa ber la ni zelin chhungkaw 166 in tuar tawhin Vawk thi chhin-chhiah 485 leh Vawk suat 137 a awm tawh a, Chhingchhip in dawtin Vawk thi 222 leh Vawk suat 270 a awm tawh bawk a. Zirtawpni bikah khan Chhuanthar Tlangnuam-ah hri leng vanga Vawk thi 4 chhinchhiah belh a awm a ni.