MBSE in Compartmental Exam result a tichhuak

Mizoram Board of School Education (MBSE) chuan kumin-a HSLC leh HSSLC Compartmental leh Improvement Examination, 2026 a buatsaih result chu nimin khan tichhuakin HSLC Compartment exam-ah zirlai 52 leh HSSLC Compartment exam-ah zirlai 39 ten an pass.
    MBSE in kumin-a HSLC Exam result a tihchhuah ah khan Compartmental chance nei mi 117 awmin an zinga 108 ten Exam hi an hmachhawn leh a, an zinga mi 52 te chu an pass a.  HSSLC Exam result chhuak ah Compartmental chance nei mi 115 awmin Arts-ah mi 86, Science-ah mi 10 leh Commerce-ah mi 9, an vaiin mi 105 ten Exam hi an hmachhawn leh bawk a, heng zing atang hian mi 39 an pass bawk a ni. Hei bakah hian NEP 2020 ruahmanna angin Subject pakhat-a Improvement Exam pawh kumin hian buatsaih leh niin HSLC atangin Improvement exam hmachhawn mi pakhat a awm a, HSSLC atangin Improvement exam mi 30 awmin chung zinga mi 14 te chuan an result hmasa aiin hma an sawn bawk a ni.