Lawngtlai Bawrhsap in CYLA hruaitute a kawm

Lawngtlai Bawrhsap Donny Lalruatsanga chuan nimin khan a Pisa-ah Central YLA Office Bearers te kawmin ruihhlo dona kawnga an hmalakna te a sawipui a. Lawngtlai Bawrhsap chuan ruihhlo mai bakah foreigners leh sumdawnna chungchangah pawh hmalakna tur tam tak a awm thu sawiin, sawrkar kut ke tak tak an nih avangin thawhho zel a tul thu a sawi bawk. He hunah hian an hmalakna hrang hrangte ennawn niin Operation Jericho kalpui mekah an thawhhona chu a fakawm hle tih pawm tlangin, tun dinhmunah Lawngtlai-ah khawthlang lam atanga Chakma zu lo lut tam berin, Ruihhlo bik chu Lunglei leh Siaha lam atang lut a tam ber tih tarlan a ni a. Heng zu leh Ruihhlo do rem tur hian a lo luhna hriat a nih angin chak zawka hmalak ho nise an ti a ni. CYLA pawhin Ruihhlo dona atan a mamawh an neih te Bawrhsap hnenah hian an thlen bawk.