Larsap in YMA Day-ah YMA duhsakna hlan

Mizoram Larsap General VK. Singh chuan nimin June 15, 2026-a Young Mizo Association (YMA) dinchamphaphak vawi 91-na pualin YMA leh Member zawng zawngte duhsakna a hlan. Larsap General VK Singh chuan YMA chu khawtlang, hnam ziarang leh nunphung chawilar leh tihhmasawn kawnga Mizorama tlawmngai pawl lian ber a nih thu sawiin, din a nih atanga tun thlengin midangte rawngbawl sak kawngah a khaipa ber a ni tih a sawi a. Tanpui ngaite tanpui, Mizo hnam ziarang, nunphung leh rohlu chhawmnun leh chawilar kawngah YMA-in theihtawp a chhuah leh Sawrkar hmalaknate a hlawhtlin theih nan leh zau zawka thlen theih nana tha taka a tawiawm thin chu fakawm tiin chhawmnung zel turin a chah a. YMA Day pualin Mizo mipuite chu an thil tihna apiangah Tlawmngaihna lantir thin tura chahin, mahni inphata, lainatna leh midang tana inpekna nunpui tlat turin a sawm bawk a ni.