Ui khuahkhirhna thupek chhuah thar leh a ni

Serchhip District-a Ui khuahkhirhna kalpui mek chu kalpui zui zel turin thupek tihchhuah a ni.
    Hemi chungchangah hian Serchhip District Magistrate, Paul L. Khuma chuan February 9, 2026 khan thupek tichhuakin Ui khuahkhirh lova khawlaia chhuah tir thin chuan khawtlang faina, himna leh hriselna a nghawng theih bakah khaw-tlang hmasawnna leh changkanna daltu a ni thei tih tarlangin, Section 163 of Bharatiya Nagarik Suraksha Sanhita, 2023 tlawh chhanin khapna thupek a tichhuak a. Mi tumahin midangte tana harsatna siam zawng leh midangte tana hnawk-sakin Ui an vulh tur a ni lo tih te; Ui vulhtu ten khawlaiah an Ui te an chhuah zalen tur ni lovin khawlaia an chhuahpui dawnin hrui/chain rinawm tha taka hlingin an kai ngei tur a nih thu te; Ui vulhtu ten an an Ui vulh te tha takin an khuahkhirh tur a nih thu te; Ui khawlaia tla leh a nghawnga hrui/chain-a thlunna awm lo te chu neitu awm lo anga ngaih a nih tur thu leh Ui vulhtu ten an Ui vulhte zun leh ek khawlaiah an hnutchhiah tur a ni lo tih te a tarlang a. He thupek hian thu leh awm hma chu chhuah a nih atanga thla hnih (2) a huam tur thu leh thupek zawm lo chu Section 223 of Bharatiya Nyaya Sanhita, 2023 dan hmangin hrem theih an ni thu te pawh a tarlang a ni.