MPSC in OTR chungchang ah hriattirna an tichhuak

MPSC chuan an hnuaia hnalak hrang hrang a diltute tana hriat tur pawimawh tarchhuakin, harsatna nei te tana thlenna tur an tarlang bawk.

    Mizoram Public Service Commission (MPSC) chuan an hnuaia hna diltute tana One Time Registration (OTR) leh online application chungchang a hriattur pawimawh an tihchhuah ah hian hna lak turah ‘Last date of application/submission’ hnuah dilna thehluh theih a nih tawh dawn loh avangin hna dil turte'n last date of application-a dilna an thehluh theih ngei na turin online portal-ah ‘One Time Registration’ (OTR) an tifel vek tur a nih thu leh OTR dinhmun uluk taka vil turin hna diltute thurawn an pe a. Application tarn tak ‘DRAFT’ ah a awm thu leh Examination Fee pek hnuah 'Submit' ah a awm tur thu pawh tarlangin, “Candidate ten an application submit dinhmun lo check a, Fee an pek hnu pawha 'Draft'-a a la awm a nih chuan Phone (Helpline Phone No: 0389-3596493) hmangin emaw, mahni ngei kalin MPSC-ah an thlen tur a ni,” tiin chutianga hma la lo chu Accept loh an nih pawhin applicant mawhphurhna a ni ang tih an tarlang a. OTR chungchanga thiam loh leh harsatna neite chu Common Service Centre/online application ti thei mi thiam leh Computer dawr te pan turin thurawn an pe bawk.