EMRS thuneitu sang thukhawm

Mizoram-a Eklavya Model Residential School (EMRS)-a thuneitu. Mizoram EMRS Governing Council chu nimin khan Chief Minister leh an Chairman Lalduhoma hovin CM Office Conference Hall-ah an thukhawm a. Tun tum hi Planning Department hnuaia Tribal Affairs dah a nih hnua Governing Council thutkhawm hmasa ber a ni.

He thutkhawm ah hian Mizoram-a EMRS School awm mek te tihhmasawnna tur te chipchiar taka sawiho niin Zirlai naupang tam zawk an luh theih dan tur te, a thawktu ah Mizo thalai tam zawk an luh theih dan tur te, sak belh leh tur Central sawrkarin a lo phalsak tawh bawhzui dan te chipchiar takin an sawiho a ni.

Mizoram-ah EMRS hi 11 awm mekin a dang 6 sak thar tur a la awm bawk a, heng zinga palite DPR chu Central-ah thehluh tawh a ni. School tinah hian zirlai naupang 480 zel awm thei tura ruahman niin Class 6 atanga Class 12 thleng zir theihna School an ni a, zirlai naupang ten engkim a thlawn vekin an dawng a. Thawktute hlawh zawng zawng pawh Central sawrkar tum vek a ni.