CM in Fimkhur turin a chah

Chief Minister Lalduhoma’n Fur alo hnaih avangin vanduaina laka mipuite an him tlan theih nan mitin fimkhur turin chah. Chief Minister Lalduhoma hian a Social Media account kaltlangin he thu hi a sawi a, Mizoram chu ruahtui tamna hmun anih avang leh tlangram awm anih avangin ruah tam tumin harsatna lian tham thleng thei a ni tih sawiin, mi tin te fimkhur a pawimawh thu a sawi a ni. Chief Minister chuan leilung a chhiatna leh vanduaina laka him turin mitin fim-khur tura chahin, lung lakna hmuna thawkte, Construction Work thawktute, lui leh ram lama hnathawk thin bakah lirtheia zin vak thin te leh leilung chhiatna thlen palh theihna hmun hlauhawma hna thawh leh awm fimkhur zual a ngaih thu a sawi a, Chhiatna thlen palh ah Disaster Management and Rehabilitation Department lam emaw, mahni bialtute rang taka hriattir a pawimawh tih a sawi bawk.