Draft Memorandum of Agreement la peihfel lo

Zonuna Kawlni /

Lengpui Airport chu Indian Air Force (IAF) kuta hlanna tur Draft Memorandum of Agreement (MoA) chu Working Committee-in a buatsaih mek a, peihfel a la nih loh avangin Cabinet ngaihtuah tura thehluh a la ni lo.

    Nimin-a Assembly Session-a zawhna chhangin Chief Minister Lalduhoma chuan Lengpui Airport hlanchhawn chungchang ah hian TBC. Lalvenchhunga kaihhruai Working Committee din a nih thu leh he Committee hi IAF hnena Lengpui Airport hlan chungchang zirchiang leh Draft Memorandum of Agreement buatsaih tura sawrkar-in a din a nih thu a sawi a, Working Committee hian Lengpui All NGO leh Mizoram All NGO nen sawiho a nih hnuah Chief Minister hovin NGO Co-ordination Committee te nen sawiho leh a nih thu a sawi a, anni nen hian 16th Finance Commission hnenah Airport tihchangtlunna tur nawr ho nise tih a nih thu a sawi bawk. GAD changtu Chief Minister Lalduhoma chuan Airport atangin Chhiah dang lak belh a awm a hriatloh thu zawh belhna chhangin a sawi a, Aizawl - Kolkata flight tih tlem chhan chu passenger an tlem vang niin a sawi bawk.

Comments

Post a Comment

Popular News (Last 30 Days)

Ramkalna ah thi in hmu

Zonuna Kawlni /
Image
Serchhip bul Hriangtlang khuaa cheng B. Lalneihkima chu nimin khan an ramkalna ah thi in hmuh a ni a, ama chesual a boral nia rin a ni. Thudawn danin Lalneihkima (33) hi niminpiah khan a thian pathum te nen an khua leh Thinglian inkara Tuisang lui-ah Chengkawl khawrh turin an kal a, an kal darh hnuah an haw dawna inhmuhkhawmna tura an ruahman ah a rawn lan ve tak loh avangin zing dar 2:00 velah a thiante hian an hawsan a, nimin lama ngahven tura an kal chuan Tuisang lui-a kawrh-ah thi in an va hmu ta nia thudawn a ni a, a lu-ah hliam a tuar nia hriat a ni bawk. A ruang hi an khua ah lak niin nizan khan lumen a nih hnuah Vawiin hian vuiliam tur a ni ang.
Kimchang zawkin »