Serchhip District-ah ASF vangin Vawk 1688 thi tawh
Serchhip a AH&Vety Department atanga thu kan dawn danin nimin khan Serchhip District-a Veng leh khua 8-ah ASF vangin Vawk 34 lai a thi leh a, heng zinga 16 te hi kumin a ASF vanga Vawk thi tam berna Thenzawl khua a mi an ni a, East Lungdar-ah 6 leh North Vanlaiphai khua ah 5 an thi leh a, Serchhip Chanmari leh Serchhip Dinthar-ah Vawk pahnih ve ve thiin Baktawng, Chhiahtlang leh Ser-chhip Field Veng-ah pakhat theuh an thi bawk.
Nimin vek khan Serchhip District-a Veng leh khua 13-ah Vawk hri leng darh zel tur venna atan Vawk 104 suat a ni leh bawk a, Lungchhuan khua ah Vawk 29 suat niin Baktawng-ah 26 suat a ni bawk a, Serchhip khawchung bikah vawk 27 suat a ni bawk. Heti hian nimin thleng khan Serchhip District-a Veng leh khua 29-ah kumin hian ASF vangin Vawk 1688 a thi tawh a, Vawk 4356 suat a ni tawh bawk.
Comments
Post a Comment