Chenna tlak ram siam turin tanho a ngai - EF&CC Minister

Environment, Forests & Climate Change (EF & CC) Minister TJ. Lalnuntluanga chuan khawvel sik leh sa danglam zelah chenna tlak ram siam turin mi tin tanho a ngai tih a sawi.

Kolasib District chhung Saiphai khuaa Forest Rest House sak thar hawnna nimin-a neih ah EF&CC Minister chuan he thu hi sawiin, sik leh sa nuam zawk siam turin ramngaw a pawimawh thu leh ramngaw siam tura thing phun leh a awm sa humhalh kawng ah te, lui tui humhalh leh nungcha humhalh kawng ah te theihtawpa EF&CC thawhpui turin mipuite a ngen a. EF&CC hnuaia boruak tha siam tura ramngaw siamna kawnga hmalakna kal tlangin Eco-Tourism lamah leh Ccarbon Credit chung-changah pawh ram tan sum hnar tha tak a awm thei dawn tih a sawi bawk.

Saiphai Forest Rest House hi EF&CC Department hnuaia Maintenance Fund atanga sum hmuh cheng nuai 20 senga sak a ni a. March ni 7, 2023 khan sak tan niin August ni 4, 2023-ah sak pum a ni a, a chhung chei zawng zawng nen niminpiah khan zofelin nimin khan hawn zui nghal a ni. He Rest House hi RCC-a sak niin, pindan pali-ah then a ni a. Mutna pindan pahnih bakah, thutkhawmna pindan leh choka te a awm a, a chhung hi changtlung taka chei a ni bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar