Inbiakna neih hnuah lungawi loh lantir titawp

Khuangkhau Lui Zau Association leh Zokhawsang Farmers Society chuan Zokhawsang-a Assam Rifles ten an huan, lo leh quarry panna kawnga kaltlang an phal loh avanga lungawiloh lantirin nimin khan an pungkhawm a, sawrkar hotute nen inbiakna an neih hnuah lungawiloh lantir hi tihtawp a ni.

Heng pawl pahnih te hian Zemabawk Zokhawsang-a Assam Rifles ram luah piah lam ram chu hectare 1,592 (Sq kms. 15.91) a zau a nih thu thuchhuah siama tarlangin, Revenue pass 700 lai a awm thu leh chu chu chungkaw 100 aia tlem lo te hian eizawn nan an hmang niin an sawi a. An eizawnna kalkawng ber chu tunhnaiah Assam Rifle-te'n ta neihin March, 2023 atang khan hman an phalsak tawh loh thu sawiin, theihtawp chhuahin sawrkar hruaitute leh Assam Rifles hotute pawh hmu mah se an eizawnna ve ber panna kawng chu an la kaltlang thei lo niin an sawi a, hei vang hian nimin khan Kuthnathawktute hi JCB nena thawk-chhuakin, Assam Rifle-ten Zokhawsang-a an hmun an panna kawng chu lirthei kal theih loh-a laih chah an tum a ni.

Hetianga punkhawm neih a nih hnu hian Commissioner & Secretary, Home Department kaihhruaina hnuaiah Assam Rifles hotute nen inbiakna neiin By-Pass Road siamthat a nih hma chuan loneitute'n Assam Rifles Bn. Hqrs, Zokhawsang kaltlanga kal thei tura inremna neiin By-Pass road hi a rang thei ang bera siamthat a nih theih nan MPWD chu hma la nghal tura tih an ni a, hei vang hian lungawiloh lantirna tum pawh nimin khan tihtawp zui a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man