Mizoram in Delhi-ah Award pahnih dawng

Pathianni khan New Delhi-ah Swachh Bharat Mission (G) leh Jal Jeevan Mission hnuaia hma la tha State te hnenah lawmman sem niin Mizoram chuan Award pahnih a dawng a ni.
Niminpiah khan Plenary Hall, Vigyan Bhawan, New Delhi-ah Swachh Bharat Diwas hman niin he hunah hian Swachh Bharat Mission (G) leh Jal Jeevan Mission hnuaia hma la tha State te hnenah Award hrang hrang sem a ni a. Mizoram State in Award pahnih dawngin heng te hi Swachh Bharat Mission hnuaia hmalakna ah ve ve a ni a, Swachh Survekshan Grameen 2022 (Thingtlang khawfai inelna)-ah ODF Plus (ODF+) achievement nei tha atanga tehin North East Zone-ah pahnihna a ni a, Wall Writing Competition-ah NE Zone-ah bawk lawmman pathumna a dawng bawk a ni.

He hun hmanna ah hian Mizoram PHE Department atangin PMU Director Er. H. Duhkima leh State Coordinator Er. K. Zohmingliana bakah Serchhip District-a Coordinator Samuel Lallawmzuala leh Mamit leh Kolasib-a District Coordinator te an kal a, anni bakah hian Serchhip District Deputy Commissioner Nazuk Kumar pawh a tel bawk a, heng District atanga kal tura thlan te hi hmalakna tha atanga thlan te nia thudawn an ni a. Anni bakah hian Mizoram District hrang hranga ODF Plus khaw hrang hrang aiawhte pawh kal tura thlan niin Serchhip District atangin East Lungdar VCP K. Lalngaizuala chu a kal bawk a ni.

Comments

Popular posts from this blog

Tukverh-a tlasual boral