Kuhva tawlhruk sawrkar in chingfel thuai se duh

Hachhek bialtu MLA Lalrindika Ralte chuan June 28, 2022 leh July 7, 2022-a Hachhek Constituency Zamuang khaw daia Kuhva tawlhruk man a nih dan leh Kuhva tawlhruk avanga khua leh tui te harsatna tawh chu sawrkarin chingfel se a duh thu a sawi.

Tunhnaia thuchhuah a siamah Hachhek bialtu MLA Lalrindika Ralte chuan ram dang atanga dan lova Kuhva lo lut avanga Hachhek bial mipuiten an Kuhva tharchhuah hralhna kawnga harsatna an tawk thin chu pawi a ti takzet tih sawiin, “A chhan bulpui ber chu dan lo a Kuhva lo lut, Mizoram chhunga awm ngei pawh man duh lo sawrkar kan neih vang niah ka ngai. Dan loa ram dang atanga Kuhva lo lutin a khua leh tuite tan harsatna nasa tak a siam sak tih hi Mizoram sawrkar hian min hriat nawn sak se ka duh a. A rang thei ang bera Kuhva tawlhruk titawp tur leh kuthnathawktute harsatna sukiang turin Mizoram sawrkar ka ngen bawk a ni,” a ti.

Heng dan lo a Kuhva tawlhrukte hi sawrkar hnuaia dan leh thupek kengkawhtute man ni lovin, tlawmngai a duty kuthnathawktute man a ni nghe nghe tih pawh Hachhek bialtu MLA chuan sawiin, Sawrkarin dan leh thupek a kengkawh tur a nih lai a, sawrkar check gate paltlanga Kuhva tawlhruk, mi tlawmngai duty-ten an man zawk tlat chu thil kalphung tur a ni lo tih a sawi a. “Sawrkarin a tih tur a tih loh vanga hetiang thil hi thleng a ni tih hi ka ngaihdan a ni,” a ti a. Kuhva tawlhrukna ti tawp tura tlawmngai taka duty a bial mipui, kuthnathawktute thawhrimna leh inpekna chu a chhuan thu leh an hmalakna a thlawp tih a tarlang bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man