Mizoram State Commission for Women buatsaihin E. Lungdar-ah Dan zirhona neih a ni

Mizoram State Commission for Women leh Mizoram State Legal Services Authority \angkawp buatsaihin nimin khan East Lungdar-a Thangburha Hall-ah Legal Awareness Campaign neih a ni.
He Legal Awareness Campaign hi Hrangturzo bialtu MLA leh Mizoram State Com-mission for Women-a Chairperson ni bawk, Vanlalawmpuii Chawngthu, MLA chuan a hawng a, Vanlalawmpuii Chawngthu chuan Legal Awareness Campaign hi Mizoram hmun hrang hrangah hman tur anih thu sawiin, ram siam\ha tur chuan chhungkua \anrual a pawimawh thu a sawi a, Nu in an fate incheina an en uluk angaih thu sawiin, kan incheina zirloh vangin pawngsual tam tak a thlenfo \hin thu te a sawi a. Ram leh khawtlang tan hmeichhia te kan pawimawh ve ani tih hriain, Mipui rintlak a rinawm tak leh taima taka hna thawk turin a chah bawk. Mizoram State Women Commission-a Chairman chuan Mizoram sorkar chuan hmeichhiate tan inthlanpui-a Seat a hauh sak thu sawiin, MLA, AMC, Local Council leh Village Council-ah te pawh hmeichhiate an awm ve tak thu a sawi a. “Hmeichhia te hi Ram hruai tur te, Khawtlang hruai tur te hian Mipate hian min la pawm chiah lo a ni thei. Ram leh Khawtlang hruaitu atana min pawm ve theih nan mipate tih theih ang chu tih theih ve zel tum tur a ni a. Thiltihna apianga phat emaw, kep reng nih bik loh tur a ni. Nakin zelah hmeichhiate tana Reservation hi a kal zel theih nan hmeichhe thlantlin te hi hman tlak kan nih a pawimawh a, kawng lo sat tu kan ni tih kan hriat nawn fo a ngai a ni,” a ti bawk.
He huna Resource person, T. Lalnunsiama, Advocate & Legal Cell Member Mizoram State Commission for Women chuan thusawiin, ram danga hnathawk tura \halaite inthawn chungchangah fimkhur a \ul hle tiin, Phai lama zirna Ieh kutthiam thil zirna lama kal te pawhin hmun him an thlan thiam a \ul thu a sawi a, Prevention of Children from Sexual Offences Act 2012 hnuaiah kum 18 tlinglo naupangte chu mipat hmeichhiatna lama hleilenna chungchangah ven tlat an nih thu sawiin, \awngkama invehthlem ringawt pawh Lung In tan theihna hial a ni a. In chhungkhura hmeichhiaten an chenpuite a\anga diriamna an tawk a nih chuan an himna turin Protection of Women From Domestic Violence Act, 2005 hnuaiah dan anga zualko theih a ni, a ti bawk. Lalnunsiama chuan Hmeichhiate himna atana pawimawh ber chu hmeichhiate vek an ni tih sawiin, incheina leh mipa kianga awm danah te, Inchhungkhur ngeiah pawh mipate zahtlak leh ngaihsan tlaka awm a pawimawh thu a sawi bawk. He Awareness Programme-ah hian School naupangte, MHIP hruaitute bakah khawtlang hruaitu mi \hahnem tak an tel a ni.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn