LR&S Deptt. ten zirchiang

Karnataka sawrkar hnuaia Revenue Department kalphung zirchiang turin Land Revenue and Settlement Minister B. Lalchhanzova chuan niminpiah khan Karnataka a thleng a, nimin khan Karnataka Revenue Minister Krishna Byre Gowda chu a pisa, Vikasa Soudha-ah hmuin State pahnih te in laichinna ti chak tura thawh-puiah sawmin, Karnataka-ah a bikin Bengaluru khawpui ah Mizo thahnem tak an awm ve thu leh a tul anga an thlavang lo hauh thin turin a chah a. An sawrkar tirh atanga an lo ruahman tawh tih hlawhtlin ani chu a lawmthu sawiin, Karnataka State chu India ram State zinga Land Revenue administration nei tha leh technology thar hmang tangkai ber te zing ami anih anga tlawh annih thu a sawi bawk.

Minister B. Lalchhanzova hi Land Revenue & Settlement Secretary Vanlalmawia leh Official engemaw zatin tawiawmin sawrkar mi pawimawh tak tak ten an lo dawngsawng a, tun thla ni 26 thlengin Karnataka sawrkar hnuaia Revenue department kalphung leh tih dan tha hrang hrang te lo zirpuiin Field Visit te an neihpui dawn bawk a ni.