Mizo tawng zirhona nei

Central YMA leh Mizo Language Development Board tangkawpin a buatsaih Branch YMA Chanchinbu enkawltute puala Mizo tawng zirhona chu nimin khan Aizawl-a Central YMA Hall-ah neih a ni a, Aizawl khawpui chhung leh pawn atangin Branch YMA Chanchinbu enkawltu mi 86 zet an tel a ni. Nimin-a he hun hman ah hian Mizo Language Development Board Chairman R. Lallianzuala chuan YMA te nena thawhhona ha tak an nei chu lawmawm a tih thu a sawi a, Central YMA President Lalhmachhuana pawhin Social Media hman kawnga fimkhur a ngaih thu leh Mizo mipuite tana him lo ah chuan Central YMA chuan hma a la zel dawn tih a sawi bawk.

Mizo tawng zirhona hunah hian Mizo tawng ziah dah lehhman dan dik zirna chungchang te; Chanchinbu enkawltute tana pawimawh, mi nawlpuiin Mizo tawng ziah dan an hriatthiam dan tur te; Mizo tawng dik leh tha hman chungchang leh Tawng pawimawhna leh Mizo tawng thiam hlutna te zirho a ni.