Run lui-a Lei bomb chhiat a nih avangin Myanmar bungraw lut a khaihlak

Myanmar ramchhunga Run lui-a Lei bomb chhiat a nih avangin Teddim kaltlanga Tahan atanga Mizoram-a Myanmar sumdawng bungrua lakluh chu tihtawp rih a ni.
Mizoram in Myanmar atanga sumdawnna bungraw chi hrang hrang leh ei leh in tur a lakluhna kawngpui ber, Teddim leh Zokhawthar inkara Lei pawimawh tak, Run lui chunga dawh hi tunhnai khan bomb hmanga tihchhiat a nih avangin Inrinni atang khan Myanmar atangin Mizoram lamah bungrua a rawn lut mumal thei lova, hei vang hian Tahan atanga Teddim kaltlanga Myanmar bungrua, Mizorama lo lut thin chu a tawp vek rih a ni.
Thudawnna in a tarlan danin Inrinni (June 8, 2024)  zing karah khan Run lui kal kaina Lei, feet 20 vela zau leh Feet 300 vela thui (Suspension bridge) chu Myanmar Sipai, State Administration Council mi leh sa nia hriatte’n bomb hmangin an tichhia a. Hei vang hian he lui hi lirthei leh ke-a kalte tan pawh kal kai theih a ni rih lova, Tahan atanga zawrh tur thil mipui nitin mamawh bungrua a rawn lut thei ta rih lo a ni. Hetihlai hian Tahan leh Falam inkara Run Lei, Var lei an tih chu lirthei leh ke a kalte’n tluang takin an la zawh thei a, a kawng thuiin hla zawk pawh ni se Falam atangin Mizoram a Zokhawthar lamah Myanmar bungrua hi rawn lut leh thei tura beisei a ni.

Comments

Popular News (Last 30 Days)

LPG man bithliah thar