Mizoram pumah Vote nei 8,51,895 an awm mek

Kumin October 1-a kum 18 tling chin te laa Electoral Roll 2nd Special Summary Revision neih chu zawhfel niin Mizoram pumah Vote nei thei mi 8,51,895 an awm.

Mizoram in Assembly Inthlanpui a neih tur atana inbuatsaihna kal zelah kumin August thla atang khan Electoral Roll ennawn hna hi thawh niin nimin-a Final Electoral Roll tarchhuah tak atanga a lan danin Mizoram pumah Assembly Bial 40 awmin Polling Station 1276 a awm mek a. Mizoram pumah voters 8,51,895 awmmin heng zinga 4,12,970 chu mipa niin midang 4,38,925 chu hmeichhia an ni a, mipa aiin hmeichhe vote nei 25,956-in an tam zawk a. Mipa leh hmeichhe huanga dah loh ‘Third Gender’ tia dah chu a tirah mi pakhat awm mah se hei hi tihsual a nih thu leh Mipa a nih thu thudawnna chuan a sawi a. Mizoram-a voters 8,51,895 bakah hian Service Voters mipa 4884 leh hmeichhia 89, a vaiin 4,973 an awm bawk a ni.

Mizoram-ah Vote tamna ber District chu Aizawl District niin voter mipa 134249 leh hmeichhia 1,52,558; an vaiin voters 2,86,807 an awm a, a tlemna ber Hnahthial District-ah mipa 8037 leh hmeichhia 8257, an vaiin voters 16,294 an awm thung. Mizoram-a District 11 zingah District pakhatah chiah hmeichhia aia mipa voter tam zawkna a awm a, Mamit District niin mipa voter 32,723 leh hmeichhe voter 32,064 an awm a ni. Nimin-a tarchhuah tak Final Electoral Roll en duh chuan mahni bialtu ERO/AERO/BLO hnenah emaw, DC/DEO Office-ah emaw, CEO website ceo.mizoram.gov.in/ ah en theih a ni.

District hrang hranga Assembly Bial zat leh Vote nei thei zat :