Kawng chhia a hmunah en ho

 National Highway-54 Serchhip leh Keitum inkar siam meka kawng chhe zual lai chu nimin khan NHIDCL leh Serchhip Sub-Hqrs. YMA hruaitute chuan a hmunah tlawhin a thawmthat hna thawh dan tur an en ho.
Nimin-a kawng enna a kal te hian Sailiamkawn atanga tanin Keitum thleng an tlawh a, Serchhip Sub-Hqrs. YMA hruaitute chuan kawng chhe zual lai chu a theih ang anga khualzin kal vel tana zawh nuam zawk anih theih nan thawm-that tul an tih thu an sawi a. Hei bakah hian thla thar October thla tawp lama Biate khuaa YMA Inkhwmpui lian neih turah Mizoram hmun hrang hrang atanga palai tam takin he kawng hi an zawh dawn avangin hemi hma ngeia a chhe zual lai hi thawmthat anih theih nan Company lam hi hmala turin an ngen bawk a ni.

Nimin-a helai kawng enfiahna a kal kawng enkawltu NHIDCL aiawhte chuan YMA lamin kawng siamthat leh thawmthat ngai an sawi te chu an lo thawmthat tur thu leh thla thar October 20 hmaa an thawm that vek tur thu an sawi a, an hnathawh dan te chu a tuk October 21-ah en ho leh nise an ti bawk a ni. Nimin-a helai kawng an enfiahna ah hian YMA hruaitute hi an President Kawlthuama hova kalin NHIDCL bakah kawng siam hna thawktu Company aiawhte an tel bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man