Kawngpui chhia DC-ah thlen

Mizoram Tipper Association (MTA), Kolasib District hruaitute chuan NH-6 huamchhunga Thingdawl leh Buichali lei inkar kawngpui chhia chungchangah Kolasib DC John LT Sanga chu nimin khan a Pisa-ah an hmu a. Helai kawng chhia avang hian Lirthei-a eizawngtute leh khualzin te tan harsatna tam tak a thlen thu hrilhin, Kawngpui chhia avang hian lirthei tam tak a chhiat bakah hun leh tha tam tak an khawhral thin thu an sawi bawk a ni. MTA hruaitute chuan kawngpui siam nan ni khatah darkar 2 chhung kawngpui khar (block) a ni chu reilo an tih thu sawiin, ni khatah darkar 4 tal kawngpui khar an duh thu DC hnenah an thlen a, zirlaite School kal hun tibuai lo tura ruahmanna siam an duh thu sawiin, ni 3 chhunga hmasawnna a awm loh chuan hmalak zel an tum thu an sawi bawk a ni.