Serchhip-a Road Safety Week hman dan tur sawiho

Nimin khan Serchhip District Road Safety Committee chu an Chairman Dr. Lalrozama, IAS, Serchhip Bawrhsap ni bawk hovin a Pisa-ah an \hukhawm a, tun thla ni 6 leh ni 11 inkara Road Safety Week, 2017 hman tur chungchang an sawiho.
He \hutkhawm ah hian Dr. Lalrozama chuan, lirthei enkawltuten fimkhur tak leh dan zawm thlap chunga lirthei an enkawl a pawimawh thu sawiin, fimkhurna tlakchham hi nunna leh thil tam tak hlohna bul a nih \hin avangin sorkar chuan fimkhur leh dan zawm a pawimawh zia inhrilh-hriat tharna hun atan Road Safety Week a ruahman \hin a ni, a ti a. Hlawk taka Road Safety Week hman a nih theih nana ruahmanna siam thiam a pawimawh thu a sawi bawk.
Nimin a Meeting hian Road Safety Week hawnna inkhawm chu 6th February, 2017 zing dar 11:00-ah DC Conference Hall-ah neih nise an ti a, Week chhung hian Serchhip a lirthei zawng zawng endik hna thawh nise tiin a rel a. Serchhip-a Passenger phur \hin lirthei khalhtute zawng zawngte chu Week chhung hian Training pek vek nise an tih bakah, Cable TV ah lirthei khalhtute leh kawnga kal mipuite himna chung-chang Talk Show buatsaih nise, State Road Safety Council a\anga lo thleng, Road Safety Advertisement clip chu a tam thei ang ber Cable TV-ah tihchhuah tura hmalak nise a ti bawk.

Popular News

Mizoram-ah Faina Hapta hman \an leh a ni

Retailer bukna diklo 3 man