Serchhip District-a Fire Prevention Week hman dan tur duan a ni

Nimin khan Serchhip District Fire Prevention Committee chu an Chairman leh Bawrhsap ni bawk, Dr. Lalrozama, IAS hovin an \hukhawm a, thla thar Feb. 6 a\anga Feb. 11 chhunga 'Fire Prevention Week, 2017' hman dan tur leh kumin |hal chhova District chhunga ramkang a awm loh nana hmalak dan tur hrang hrangte an rel.
He \hutkhawm ah hian District Fire Prevention Committee Chairman, Dr. Lalrozama chuan, sorkar in ramkang hi a ngai thutak hle a, Serchhip District-ah pawh sorkar dan bawhchhiaa ram tikangtute, a hun bithliah pelh hnua Lo leh huan haltute chungah dan ang taka hmalak ngei a ni dawn tih a sawi a, sorkar in ramkang chu National Calamity tlinga a pawm tak avangin ram tikangtute kan en liam mai mai dawn lo a ni, a ti. State Level Fire Prevention Committee in kumina Lo/huan hal hun atan March ni 15 hma lam zawng a bithliah tih sawiin, ramkang laka him leh hma la \ha khuate hnenah District Level inelna a awm leh tur thu te, District inelna pawh buatsaih a nih leh tur thute a tarlang a. Kumina Fire Preventioan Thupui atana 'Ram tikangtu- Ram hmelma' tih chu State Level Committe in a thlan thu a sawi bawk.
Nimina Meeting chuan District chhung khawtina khawng taka ramkang laka invenna kalpui dan tur ruahmanna a siam a, YMA, Village Council leh khawtina sorkar hnathawk awm ang angte hman \angkaia hmalak dan tur a duang bawk. Tin, suahsual vangte, mautuai thar hmasa it mai mai vangte, ranchaw chawr hma tir duh vang mai mai te a ram halchingte zawnga, a ruka enthlatu tur leh thuneitute hnena report-tu tur pawh khaw hrang hrangah dah an rel a ni a. Khawtina YMA chanchinbu hman \angkai dan turte, District chhunga Cable TV awm ang ang hman \angkai dan te, nitin chanchinbu-a nasa zawka mipuite zirtir dan tur ruahmanna te pawh siam niin, kumdang aia nasa zawka hmalak dan turte sawiho a ni.
Heng bakah hian District chhunga National Highway leh State kawngpui kam, awlsam taka meia dehkai mai theih chi zawng zawng; |hal khawro zual hmaa samfai tura thuneitu lama thlen te, khawtina hnawmpaihna hmun meilam sial lova hal lo tura inhrilh te, lirtheia chuang \hinte hnena ngenna siamte leh kawng hrang hranga hmalak dan tur an duang a ni. Fire Prevention Week hawnna inkhawm bik chu 6.2.2017 chawhnu dar 1:00 ah DC Conference Hall-a nei turin nimin a Meeting hian an ruahman bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai