Serchhip District chhunga Internet Speed chak zawk leh Internet changtlung zawk a awm theih dan tur sawiho

Serchhip District chhunga Internet Speed chak zawk leh Internet changtlung zawk a awm theihna turin nimin khan Serchhip District Bawrhsap, Dr. Lalrozama, IAS hovin Serchhip District-a Government of India Undertaking Internet Provider - BSNL Serchhip Office hotute leh District Officer pawimawhte chuan \hutkhawm an nei.

Serchhip District-a Internet chak zawk leh changtlung zawk a awm theih dan tur sawihona Serchhip DC’s Office Chamber-a neih ah hian Serchhip District Bawrhsap, Dr. Lalrozama, IAS chuan tunlai khawvel ah Internet tello chuan sorkar Office ten hna an thawk hlei thei tawh lo tih sawiin, “Hmasawnna hnathawh tam tak hi internet hmanga State thuneitu sang zawk leh Central thuneitute thlenga online-a inbepawp chunga thawh a ni deuh vek tawh a. Hei vang hian Serchhip leh Serchhip District chhung hmun \henkhata Internet lama harsatna kan tawh \hin te rang taka kan siam\hat a \ul a. Hmalakna tur hna pawimawh vawiina kan rel ang angte March ni 2-a Member of Parliaments (MP) hova State Level Meeting an neih ngaihtuah turin kan thehlut dawn a ni,” a ti.
He hunah hian BSNL Serchhip a\anga tel SDE, Mohan Sethi chuan Serchhip District a BSNL dinhmun tlangpui report pein tunah hian District chhungah BSNL Mobile Tower hi 12 a awm mekin siam lai pahnih a awm mek bawk a. Tin, tunhnai mai khan Serchhip BSNL Office hi Optic-fibre Cable hmanga thlunzawm thar a ni a, hei hian nasa takin Internet speed upgrade a nih thu sawiin, tuna Broadband nei mekte hi chuan speed chak taka Internet an hman theih a beisei thu a sawi a. Amaherawh chu Broadband Card lamah harsatna an neih avangin Internet Broadband connection dang pek belh thei dinhmunah an ding rih lova, Landline phone connection erawh chu a duh apiang tan a tih theih reng a, Leased Line connection pawh a duh apiang tana an pek theih reng thu a tarlang bawk.
Hetianga BSNL Office ten High Speed Internet an pechhuak mek nia sawi a nih lai hian Office \henkhat internet an la hmang hlei thei lo an la awm a. Heng harsatna awm te sutkian nghal a nih theih nan Bawrhsap hian Broadband Con-nection line zawng zawngte en \ha nghal vek turin BSNL thawktute chu a ngen a, a \ul anga anmahni pui bawm turin Vabeimozachhi Chozah, MCS, SDC chu a ruat nghal bawk. He hunah hian sorkar Department hotu \henkhat an tel bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man