NH. 54 siamna atan cheng vbc. 6,168 pek remti

Aizawl leh Tuipang inkar kawngpui, National Highway 54 chei \haa laih zauh belh nan sorkar laipui in cheng vbc. 6,168 pek a remti.
He thu hi Mizoram tlawha rawn zin Union Minister of State for Road Transport & Highways, Shipping and Chemicals & Fertilizers, Mansukh Mandaviya-a’n Chief Minister Conference Room-a chanchin thar thehdarhtute a kawmna ah a sawi a, he hunah hian Union Minister chuan, Kilometer 312 a thui he kawngpuia chei\hat hna thawh tur hi Fur ruahtui tlak zawh, kumin November thla velah chuan thawh \an theih a beiseiawm thu te, he hna hi Japan International Cooperation Agency (JICA) sum hmangin North-East Road Network Connectivity Project Phase-I (NERNCPP-I) Scheme hnuaiah thawh a nih tur thu a sawi bawk.
Union Minister hian miretheite’n man tlawm zawka damdawi an lei theihna tura sorkar laipui ruahman -Pradhan Mantri Jan Aushadi Scheme hmangin Mizoram chhung Sub-Division tinah damdawi dawr pakhat \heuh hawn tum a nih thu pawh a sawi a, hetiang dawr hi mimal, NGO leh sorkar hnuaia awm eng Agency pawhin hawn an dil thei a, dawr hawn \an nan sorkar laipuiin \anpuina Rs. 2,50,000 a pe thei, a ti bawk.
Tarlan tawh angin Union Minister hian zankhat chamin Mizoram a rawn tlawh a, Governor leh Chief Minister te an chenna In-ah a kawm a, Chief Secretary Conference Hall-ah Mizoram PWD hotute a kawm bawk a ni. Union Minister hian niminpiah tlai-a Mizoram a chhuahsan hmain National Highway 44A tihzauh hna thawh mek chu a hmunah kalin Rawpuichhip thlengin a zawh a, he kawngpui siam\hat hna kum 2011 a\anga \an tawh zawhfel ala nih loh chhan chu pawisa hmuh tlem vang emaw, Forest Clearance lam buaina emaw leh Land Acuisition lam buaina emaw a nih loh chuan hriatchiana chinfel vat a nih tur thu a sawi bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai