Horticulture Department buatsaih ‘District Level Horticulture Crop Exhibition’ zawhfel a ni

Serchhip Horticulture Division buatsaiha Serchhip Town Hall-a District Level Horticulture Crop Exhibition chu nimin khan zawhfel a ni a, he Exhibition kharna inkhawm hi District Bawrhsap, Dr. Lalrozama, IAS chuan a hmanpui a ni.
Ni 2 awh he Exhibition kharna inkhawm Serchhip Town Hall-a Zosiamliani, Divisional Horticulture Officer Serchhip kaihhruaia neih ah hian Bawrhsap, Dr. Lalrozama chuan, Serchhip District ah sorkar leh kuthnathawktute thawhhona a \ha hle tih sawiin, hetianga thawhhona \ha tak an nei chu lawmawm a tih thu a sawi a. Kuthnathawktute thawhrah phochhuah a, an hlawhtlinna mipui tam zawkte hmaa hmuh theiha dahchhuah fo chu \ha hle-a a hriat thu leh, Exhibition hian tam zawk leh \ha zawka tharchhuah duhna a thawktute rilru-ah a tuh ngei a beisei thu a sawi bawk.
He hunah hian Horticulture Department-a Deputy Director, K. Lalduhawma pawhin Mizorama pangpar chingtute tharchhuah chu Japan-ah te, Middle East lamah te thawnchhuah chhin a nih tawh thu sawiin, a hralhna lamah harsatna lutuk a awm loh thu a sawi a, “An duh zat kan thawn theihloh avangin kan buai \hin zawk a ni,” tiin, Foreign a thawn kherlo pawhin India ram chhungah kan tharchhuah ang te hralhna chu a awm reng thu a sawi a. Chutihlaiin pangpar hrisel leh him dam tak chauh a hralh a kal thu a sawi bawk. Exhibition kharna inkhawm ah hian Lucy Zaithangpuii, HDO, Serchhip Division chuan Technical report pein, he Exhibition hi Missions for Integrated Development of Horticulture (MIDH) sum hmanga buatsaih a ni a, District dangah pawh neih vek tura hmalak a nih thu leh Serchhip District bika neihah hian thlai chingtu mi 109 ten thlai thar chi hrang hrang 362 an entir thu a sawi a ni.
He Exhibition-ah hian lawmman chi hrang hrang siam a ni a, Horticulture Crops bikah chi 8, Vegetables-ah chi 12, Flowers-ah chi 10 leh Flowers Arrangement chi 4-ah te lawmman siam a ni a, heng \hen hrang hranga lawmman dawngtute hnenah hian khuallian, Dr. Lalrozama hian lawmman a sem a, a tel zawng zawngte hnena lawmman pawh K. Lalduhawma, Deputy Director Horticulture hian a sem bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai