Lenkawl

Chief Minister, Lal Thanhawla chuan ramri chungchanga Mizoram Chief Secretary leh Assam Chief Secretary inbiakna huna tel tur Mizoram aiawh te chu nimin khan a Office-a Cabinet Room-ah kokhawmin thu pawimawh chhawpchhuah turte enfiahpui.

Nimin March 15 khan khawvel pumah 'World Consumer Rights Day' hman a ni a, Serchhip-ah pawh Serchhip District Consumer Association buatsaihin Govt Serchhip College-ah World Consumer Rights Day hi hman niin kumin hian 'Making Digital Marketplaces Fairer' tih chu thupui-ah hman a ni. Serchhip-a 'World Consumer Rights Day' puala inkhawm hi Serchhip District Consumer Association President, H. Zonuntluanga chuan kaihruaiin Consumer hmalakna hrang hrang te, Consumer Rights lo chhuah dan te leh Serchhip District Consumer Association tena mipui rawngbawlna kawnga an lo hmalak tawhna te a tarlang a. He huna a tarlan dan chuan Consumer Association te hian thil lei leh hralh chungchangah te leh Consumer affairs kaihhnawih hrang hranga mipui ten an harsatna an thlen te chu theih ang angin an chinfel sak \hin a. Dik taka thillei leh hralh anih theih nan Bukna te endikin thil diklo taka titute chu dan hmanga hrem an ni \hin a. Consumers ten an chanvo an chan theihna kawng hrang hrangah inrem taka thil kal theih a nih laiin Consumer Court thlenga kal ngaih chang te pawh a awm thu sawiin, heng ah te hian Consumer te \anpui tura an awm reng thu a sawi bawk. He huna thusawitu dang Serchhip District Consumer Association-a Secretary, Laldinpuia chuan kumina Consumer Rights thupui 'Making Digital Marketplaces fairer' tih hmanga thu sawiin, tunlai khawvel-a Digital Market pawimawhna leh hman \angkai a \ulna te sawiin, tunlai khawvelah chuan thil engkim deuhthaw hi Computer leh Internet kaltlang anih tawh avangin fimkhur a \ul thu a sawi a. Online Marketing System te Digital transfer payment kan siam kawngah te kan fimkhur a \ul hle tih sawiin, heng te hi a kalhmang leh tihdan te thiam a harloh thu sawiin, zirlai rual te chu thiam vek turin a fuih a. Digital system hnuaiah hian \halaite tan sum tuakna tur thawh tur pawh mahni tawkah tam tak a awm a, a rilru nei leh peih tan chuan hengte hi sum lakluhna tha tak a ni mek tih thu a sawi bawk. Nimin a he hun hmanna ah hian Serchhip District Consumers Association hruaitute bakah zirlai \hahnem tak an tel a, Mizoram hmun hrang hrangah pawh 'World Consumer Rights Day' hi hman a ni bawk.

Govt. Serchhip College-ah SDCA buatsaihin ‘World Consumer Rights Day’ hman a ni

Nimin March 15 khan khawvel pumah 'World Consumer Rights Day' hman a ni a, Serchhip-ah pawh Serchhip District Consumer Association buatsaihin Govt Serchhip College-ah World Consumer Rights Day hi hman niin kumin hian 'Making Digital Marketplaces Fairer' tih chu thupui-ah hman a ni.

Serchhip-a Gas dinhmun la chianglo

Serchhip khawpui chhunga eirawngbawlna Gas harsatna sutkianna atana Borkhola a\anga Gas lak chu thlakhat hnuah tihtawp niin Borkhola a\ang hian eirawngbawlna Gas Trip 9 lak hman a ni.

Assembly Budget Session neih mekah sawrkar kumthar-a Mizoram Budget tur cheng vbc. 9672.65 pharh a ni

Mizoram Asssembly Budget Session neih mekah Finance Minister, Lalsawta'n nimiin khan kum 2018-2019 chhunga Mizoram sawrkar sum hman tur ruahman a pharh a. Hetah hian nakum sorkar kum 2018-2019 chhunga sawrkar sum hmuh zat tura beisei chu a pumpuiin Rs. 96,72,65,00,000/- a ni a, heta \anga sum hmanral tur ruahman zawng zawng chu Rs.94,92,38,00,000/- a ni.

Tourism Minister in Rural Homestay Scheme hawng

Mizoram sawrkar Tourism Department hmalakna a Champhai District-a Rural Homestay Scheme kalpui tur chu niminpiah tlai khan Tourism Minister, John Rotluangliana chuan a hawng.

MZP in Hnam Hnatlang neih hun tur an sawn rih

Mizo Zirlai Pawl (MZP) in Bairabi Zophai-a Zofate Chawlhbuk sa tura nimin-a Hnam Hnatlang an koh chu thil \ha zawk beiseiin sawn rih a ni a, mipuite hriatthiamna MZP chuan a ngen.

Bairabi Zophai ah Zofate Chawlhbuk sak ngei tum a nih thu Home Minister in House-ah a sawi

Home Minister R. Lalzirliana chuan engtik Ni-ah emaw chuan Bairabi Zophai-ah Zofate Chawlhbuk sak ngei tum a nih thu House hrilhin, Assam sawrkar leh Assam Police te chet dan chu Mizoram sawrkarin a dem thu a sawi.

Naupang ruk tum-a puh man

New Serchhip Bazar Veng-a cheng mipa naupang pakhat chuan tunkar Thawh\anni khan hnamdang pakhat in ruk tumin a man nia sawiin, Serchhip Police-ah FIR thehluh a ni a. Hetianga naupang ruk tum nia puh hi Serchhip Police te chuan manin Serchhip District Jail-ah dahluh nghal a ni.

Kumin 2018 MLA inthlan a\ang hian Mizoram-ah Lalpa’n Zoramthar din a ni dawn - Rev. Dr. Zaichhawna

Zoram Thar a din theihna tura hma latu, Rev. Dr. Zaichhawna Hlawndo leh a thawhpui te chuan nimin khan Serchhip Bazar-a Jemela Hotel-ah Serchhip-a thuthar thehdarhtute kawmin, kumin 2018 MLA inthlan a\ang hian Lalpa’n Zoramthar a din dawn tih an sawi.

Thisen chhuaka Journalist kutthlak MJA in an dem

Mizoram Journalists’ Association (MJA) General Hqrs. chuan Mizoram Journalist te thisen chhuak hial khawpa Assam Police ten kut an thlak chu an dem thu an sawi.

Mizoram Information Commission bultumin North Vanlaiphai-ah RTI zirhona neih a ni

Mizoram Information Commission leh North Vanlaiphai Joint YMA buatsaihin nimin khan North Vanlaiphai-a Lersia Hall-ah Right to Information Act chungchang inzirtirna neih a ni a. He hunah hian RTI zawhna online hmanga zawh mai theih tura ruahmanna kalpui mek a nih thu leh a taka hman theih \ep a nih tawh thu tarlan a ni.

Catholic Nu ho ten hun hmang

Nimin a International Women’s Day pualin Serchhip-a Catholic Kohhan Hmeichhe Pawl chuan Hmeichhia te mawhphurhna leh an pawi-mawhna te zirhona an nei.

Mizoram sawrkar leh HPC (D) inbiakna neih ah Political Level-a inremna neih a ni

Remna zawnga Mizoram sawrkar leh HPC (D) hel pawl inbiaknaah nimin khan inremna thu thlun a ni ta.

College NSS ten thisen pe

Govt. Serchhip College NSS Unit te chuan nimin khan JN Hospital Serchhip Blood Bank-a dah turin thisen Unit 81 an pe a.

MZP te Zofate Chawlhbuk sak tumin Bairabi-ah an kal; Buaina chhuak ah mi 10 velin hliam an tuar

MZP ten nimin-a Bairabi Zophai hmuna Zofate Chawlhbuk sak an tum chu Assam Police ten an phal loh avangin buaina a chhuak a, Assam Police ten tianga mipui pungkhawm an vuakna ah Mizoram mi 10 vel an hliam a, hliam zingah hian Mizoram-a chanchinbumi 2 an tel.

Serchhip Town chhunga YMA Branch hrang hrang ten faina kawnga inelna an nei dawn

Zonuna Kawlni (LENKAWL) / Friday, February 09, 2018

Urban Development & Poverty Alleviation Department leh Serchhip Sub-Hqrs. YMA te \angkawp hmalakna in Serchhip Town chhunga YMA Branch hrang hrangte faina kawnga inelna chu neih tur atan inbuatsaihna kalpui mek a ni.

MNF Hqrs. dah apiang pawm

Zonuna Kawlni (LENKAWL) / Friday, February 09, 2018

MNF Serchhip East Block leh West Block Joint Meeting neih tawhin a lo pass tawh angin nimin a Thenzawl-a MNF \halai kalkhawm te chuan "Serchhip constituency-a MLA candidate tur chu Headquarter-in an rawn dah ang apiang lungrual takin kan pawm a, MNF MLA candidate Serchhip constituency-a ding apiang a tlin ngei theih nan theihtawpin hma kan la ang," tiin Resolution siamin an pass a ni. Kumin hian MLA inthlanpui neih tur niin Candidate tur inrinsiak mek a ni a, MNF a\ang hian tunhma lama ding tawh C. Lalramzauva leh Vanlaltluanga te hming chu lamrik zingah a langsar hle a ni.

Sangha chi tharchhuah tam theih dan tur zirhona nei

Zonuna Kawlni (LENKAWL) / Friday, February 09, 2018

Serchhip-a Fisheries Department chuan Sangha chi-a intodelh beihpui thlak kalzelah nimin khan Sangha chi thar chhuah dan tur inzirtirna hun an buatsaih.

Inthlanpui kan hmachhawn turah hian MNF chu thawhpui nei lovin kan kal dawn - Zoramthanga

Zonuna Kawlni (LENKAWL) / Friday, February 09, 2018

MNF President, Zoramthanga chuan inthlanpui kan hmachhawn turah MNF chu thawhpui nei lovin an kal dawn tih a sawi a. MNF an sawrkar chuan SEDP hmangin kan ram leilung hausakna haichhuakin mipuite chu eizawnna ngialnghet leh rethei tawh lo tura siam an tum thu a sawi bawk.