Serchhip District Disaster Plan leh Departmental Disaster Plan te enfiahin ‘Disaster Audit’ neih a ni

Nimin khan Serchhip District Disaster Plan leh Departmental Disaster Plan te endikna hun, DisasterAudit chu Serchhip-ah neih a ni a, he hun hi State Disaster Audit Team ten rawn hmanpuiin Chhiatrupna lo thleng palh thei laka inbuatsaih ruahmanna, Disaster Plan \ha zawk neih dan tur sawihona neih nghal a ni.

Serchhip DC’s Conference Hall-a Disaster Audit-ah hian Serchhip District Disaster Management Authority Chairman leh District Bawrhsap, Sangchhin Chinzah chuan khuarel chhiatna mai nilo, mihring siam chhiatna pawhin engtiklai pawhin min chim thut thei reng tih sawiin, hei vang hian inbuatsaihna \ha tak neih leh chung inbuatsaihna (Plan) kan siam te hriatchiana, mawhphurtu kan inruat ang ang te pawhin kan chanvo \heuh te an hriat bel a ngai em em tih a sawi a. Kan inbuatsaih \hat phawt chuan, keimahni leh kan chhehvela mite tan a hlut dawn thu leh chhiatna lo thleng palh avanga vanduaina nasa zawk lo thleng thei te pawh pumpelh theih a nih dawn thu a sawi bawk.
He hunah hian State Disaster Audit Team a\angin Audit Leader, Zosangzuala, MPS, Jt. Director, DM&R pawhin thusawina hun neiin, inruahmanna \ha nei sa chunga chhiatna hmachhawn leh inruahmanna \ha nei sa lemlo chunga chhiatna hmachhawn tawh te dinhmun inthlauh zia, hun kal tawha India ram bung \henkhata thil thleng tawh te hmangin a sawifiah a. Disaster Plan siam laia ngaih pawimawh tur thil te, thawhhona pawimawhna leh chung thil pawimawh hrang hrangte chu District leh Department Disaster Plan siamna lamah telh a ni em tih enchiang tura Disaster Audit nei an nih thu tarlangin, Disaster Audit hi kumtin neih tura ruahman a nih thu a sawi bawk.
Hemi hnu hian Vanlalduhi Ralte, District Organiser chuan Serchhip District Disaster Plan, 2016 sawifiahin, Department thlan bik paruk (6) ten an Department Plan \heuh te sawifiahna an nei a. Chung Plan hrang hrang te chu Audit Team te hian a \hat tawklohna lai te, siam belh ngai leh thil \ul dang nia an hriat te an sawi zui a, he huna kalkhawm te pawhin zawh duh an neih apiangte zawhfiahna hun an nei nghal bawk.
Nimin a Disaster Audit hi Vabeimozachhi Chozah, Nodal Officer, DM&R chuan a kaihruai a, Serchhip-a Department hrang hrang aiawh Officer te an tel a, Disaster Audit Team a\angin an Leader, Zosangzuala bakah Disaster lam mithiam leh DM&R Officer dangte an rawn tel a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.