P/S leh M/S Zirlai naupangte tan inelna buatsaih a ni

Zoram Entu Pawl hmalakna hnuaiah nimin khan Primary School naupangte tan ‘Spelling Bee’ leh Middle School zirlai naupangte tan ‘Picture Talk’ inelna buatsaih a ni.
Zoram Entu Pawl (ZEP) hnuaia Quality Education Project leh Tata Trust, Mumbai te \angkawp in St. John the Baptist Hall, P&E Veng Serchhip-a Primary School zirlai naupangte tan ‘Spelling Bee’ leh Middle School zirlai naupangte tan ‘Picture Talk’ inelna an buatsaih hma hian ZEP in an huamchin, Chhiah-tlang leh Bungtlang inkar chu Cluster hrang 4-ah \henin heng Cluster hrang hrang ah hian Primary School leh Middle School zirlai naupangte tan inelna buatsaih a lo ni tawh a, he inelna neih tawh ah hian School hrang hrang 37 a\angin zirlaite an tel a, heng Cluster hrang hranga inelna neih a ti\ha pathum (3) \heuh te chuan nimin khan inelna hi an nei leh ta a ni.
Nimin a Primary School zirlaite tana Spelling Bee-ah hian Lalruatpuia, Presbyterian English School, Bungtlang chu pakhatna niin K. Lalrinawmi, Goodwill English Academy, Ser-chhip chu pahnihna a ni a, Remruatfela, All Saint School, Serchhip chu pathumna a ni bawk. Middle School zirlaite tana ‘Picture talk’ inelna ah K. Vanlal\anpuia, Shalom English School, Bungtlang chu pakhatna niin H. Vanlalrem-ruatpuia, Presbyterian English School Serchhip chu pahnihna a ni a, K. Lalbiaksangi, Chawng-buangi Memorial School, Serchhip chu pathumna a ni bawk. Heng zirlai ti\hate hnenah hian lawm-man pek \heuh an ni. He inelna in a tum ber chu School naupang ten zirna an hmachhawn zelna kawngah inrintawkna leh inelna thianghlim an neih deuh deuh theih nana hmasawn tir a ni.

Popular News