Mizoram-ah HIV+ hmuhchhuah belh zel an ni

Mizoram State AIDS Control Society (MSACS) Project Director, Dr. Lalmalsawmi Sailo chuan nimin khan MSACS Conference Room-ah chanchinthar lakhawmtute kawmin, Mizoram-ah HIV+ hmuhchhuah belh zel an nih thu a sawi a. Heng hmuhchhuah zingah hian 52% chu kawplai nei an ni, a ti.
Dr. Lalmalsawmi Sailo chuan, “Kum 1990-ah Mizoram-ah drugs-a inchiu \hinte a\angin HIV+ hmuhchhuah \an a ni a, kum 2000 thlengin drugs ti \hinte zingah a hluar a, kum 2000 a\angin Sex avangin a darh chak leh em em a, HIV+ hmuhchhuah tharte zinga 90% chu sex avanga kai an ni a. Kum 2010 a\angin drugs hmangtu te a\angin a hluar chho leh a, hei hi No.4 man a tlawm tak vang a ni thei a. Naupang te te No. 4-a injection an tam em em a, heng mite hi an la inpuan duh si loh avangin hmuhchhuah tur pawh tun aia tam a la awm thei a ni,” a ti.
Tunah hian District Capital ni lo hmundangah pawh No. 4 hi tlawm tak taka lei tur atam tawh avangin hei hian dinhmun chhe zawk min thlen a hlauhawm hle tih sawiin, Drugs ngawl vei tawhte tan hian India sorkar chuan an sim theihna tur damdawi Bupre Norphine a thlawnin a sem a. He damdawi hi mi 5956 in an la mek niin chhinchhiah a ni a. Dam pui tawh pawh an awm nual a ni.
Mizoram-ah hian kum 1990-2005 chhungin mi 6,05,119 te thisen test a\angin mi 14,632 te chuan HIV an kai tih hmuhchhuah a ni a. Mipa 915, hmeichhia 499 leh naupang 30 an vaiin mi 1444 in nunna an hloh phah tawh a. HIV+ te hi Sex a\anga kai 67% niin Homosexual/Biexual a\anga kai 0.72 % an ni a. Inchiu \hin a\angin 25.78% an ni a. Nu-in a faa a kaichhawn mi 3.41% awmin an kai chhan hriat loh 2.14 % an ni.

Popular News