Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Govt. Serchhip College zirlai naupang ten Sesah lui leh Hmawngawn lui an thianfai

Serchhip District Sanitation Task Force hmalakna in nimin khan Govt. Serchhip College zirlai ten Sesah lui leh Hmawngawn lui thenfai hnatlang an nei.
Mizoram Sanitation Task Force hmalakna pawimawh tak pakhat, NEDP Climate Change Adaptation & Mitigation Strategy, UD&PA Department in an bawhzuina a\anga Cleanliness Drive in Drains, Rivers and Streams Component hnuaia Serchhip District Sanitation Task Force bultumin Serchhip khawpui thli dawng lui pahnih- Sesah Lui leh Hmawngawn Lui thenfai beihpui hi thlak a ni. Heng lui pahnih thenfai hnatlang beihpui thlakna ah hian District Sanitation Task Force in a ngen angin Govt. Serchhip College zirlai naupang mi 350 vel te an thawkchhuak a. Zirlai naupang te hi Teaching Faculty, mipa zawngten rawn thawhchhuah puiin hlawm hnihah an in\hen a, hlawm khat hian Serchhip Hmar Veng kawr, Hmawngawn Lui an thianfai a, hlawm dangin Dinthar Venga Sesah lui an thian fai thung a ni. Hun rei tak ata bawlhhlawh \awih theilo lo inchhekkhawl tawhte chu thiarchhuakin UD&PA Department bawlhhlawh paihna motor hmangin Serchhip Dumping Ground, Dawng-zawl-ah paih vek a ni.
District Sanitation Task Force in a lo ruahman tawh angin heng hnatlang hlawm hnih te hi District Information & Public Relations Officer, K. Saitluanga leh Beitlotha Nohro, SDC, DLAO ten an ho a, zirlai naupang \hahnem tak an rawn tirh avangin Govt. Serchhip College Principal chungah te, zirlai naupang ten \hahnem ngai taka an theih ang tawk hmanrua keng chunga an rawn thawh avang te, NSS lamin kutkawr engemawzat an rawn thawhchhuah pui avangte in lawmthu an sawi bawk a ni. Nimin a hnatlang te tan hian District Sanitation Task Force chuan chhun chaw tuihnai tak a buatsaih sak a ni.

Comments

Popular News (Last 30 Days)