Archaeological Survey of India (ASI) Aizawl Circle Office thar Aizawl-ah hawn a ni ta

Archaeological Survey of India (ASI) Aizawl Circle chu Inrinni khan Aizawl Tuikhuah-tlang-ah Mizoram tlawha rawn zin, Union Minister of State for Culture Dr. Mahesh Sharma chuan a hawng.
Archaeological Survey of India (ASI) Aizawl Circle hawnna hunah hian Union Minister of State for Culture, Dr. Mahesh Sharma chuan hnam ziarang leh hun kal tawha thlahtute nun lo hman dante chu Hnam rohlu a nih thu sawiin, heng hnam rohlu te hi ram leh hnam chakna pakhat a tih loh theihloh a ni, a ti a. ASI chuan hemi kawngah hian hun kal tawh thil kan hriat lohte hrechiang tura nasa taka ram pum a hma a lak thu thu sawiin, ASI Aizawl Circle hawn thar chuan nasa lehzualin hemi kawnga India hmarchhak state te tan hmasawnna a thlen ngei a beisei thu a sawi a. Sorkar laipuiin India hmarchhak state-te tan kawng hrang hrangah hmasawnna chak zawk a thlen theih nan hma a lak zel thu a tarlang bawk. Union Minister of State chuan kum 2022-ah India in zalenna a sualchhuah a\anga kum 75-na a hman tur thu leh, chumi hunah hi chuan ram zalenna sualchhuaktu ten an lo mitthla \hin ang tak ram ralmuang leh fai, retheihna in a tihbuai tawh loh, dikna in ro a relna ram, hnam leh hnam inkar inthliarna awm lohna siam a nih ngei theih nan khua leh tui zawng zawng hma la turin a sawm bawk a ni.
He hunah hian Mizoram Larsap, Lt. Gen. (Rtd) Nirbhay Sharma chuan ASI Aizawl Circle hawn a ni chu Mizoram tan thu lawmawm tak a nih thu a sawi a. Mizo zingah pipute a\anga inhlanchhawn hnam ziarang leh zemawi nghet tak a awm laiin hun kal tawh lama an nun hman dan leh inrelbawl dan chiang zawk a hre tur chuan an kalsan thil hlui te laihchhuah emaw, zawnchhuah a zirchian a ngai a ni, a ti a, Vangchhia leh hmun danga hmanlai hun sulhnu hmuhchhuah te chu a zirchian a ngaihhlut nachang hriat pawimawh a tih thu a sawi a. Ram hmasawn tak tak tur chuan theihna zawng zawng hman tur a nih thu leh, ram 'history' kan chian loh chuan kan theihna dik tak haichhuah theih a ni \hinlo tih a sawi bawk.
ASI Aizawl Circle hi Guwahati Circle a\anga indang niin, India hmarchhak state pathum - Mizoram, Manipur leh Tripura a huam dawn a. Superintending Archaeologist in a \hutchilh tur a ruahman a ni a. Nimin tlai-a he Circle Office thar hawnna hunah hian Art & Culture Minister, R. Romawia pawhin thu a sawi bawk a, INTACH Mizoram Chapter hruaitute leh Archaeological Survey of India hotu \hahnem tak an tel a ni.

Popular News